歌曲信息

歌曲专辑：德吉老爷经典说唱

演唱歌手：德吉老爷

青春瀑布歌词

作曲 : 德吉老爷/编曲：旦旦
作词 : 端智嘉
༄སྔོ་ཞིང་བསངས་པའི་ནམ་མཁའ། དྲོ་ཞིང་འཇམ་པའི་ཉི་འོད། ཡངས་ཤིང་ཆེ་བའི་ས་གཞི། མཛེས་ཤིང་སྡུག་པའི་མེ་ཏོག
མཐོ་ཞིང་བརྗིད་པའི་ལྷུན་པོ། ཨེ་མ་་་ ་་་ དེ་ལས་ཀྱང་ཉམས་དགའ་བ་ནི། མདུན་ཕྱོགས་ཀྱི་བྲག་ངོས་གཟར་བོ་ན། ཆིལ་ཆིལ་དུ་འབབ་པའི་རྦབ་ཆུ་རེད།
ལྟོས་དང༌། ལྦུ་བའི་རླབས་ཕྲེང་དཀར་ཞིང་དྲི་མ་མེད་ལ། འོད་ཀྱི་ཐིག་ལེ་ནི་རྨ་བྱའི་སྒྲོ་“མདོངས། ནེ་ཙོའི་སྒྲོ་ཐུལ། ཟ་འོག་གི་རི་མོ། དབང་བོའི་གཞུ་རིས།
ཉོན་དང༌། ཆུ་ཡི་བཞུར་སྒྲ་གསལ་ཞིང་སྙན་འཇེབས་ལྡན་ལ། ལང་ཚོའི་གླུ་དབྱངས་ནི་དྲི་ཟའི་གླུ། ཚངས་པའི་དབྱངས། དབྱངས་ཅན་ངག ཁུ་བྱུག་གདངས

ཀྱེ་་་ ་་་འདི་ནི་རང་བཞིན་གྱི་རྦབ་ཆུ་དཀྱུས་མ་ཞིག་མ་ཡིན་ཏེ། བརྗིད་ཅིང་རྔམ་པའི་ཉམས། འཇིགས་པ་མེད་པའི་སྙིང༌། ཞུམ་པ་མེད་པའི་དཔའ།
དར་ཞིང་རྒྱས་པའི་ལུས། མཛེས་ཤིང་འཕྱོར་བའི་རྒྱན། སྙན་ཞིང་འཇེབས་པའི་གླུ འདི་ནི་་་ ་་་ བོད་གངས་ཅན་གྱི་གཞོན་ནུ་རྣམས་ཀྱི་ལང་ཚོའི་རྦབ་ཆུ་རེད།
འདི་ནི—དུས་རབས་ཉི་ཤུའི་ལོ་རབས་བརྒྱད་ཅུའི་བོད་རིགས་གཞོན་ནུ་རྣམས་ཀྱི་
གསར་གཏོད་ཀྱི་སྙིང་སྟོབས། འཐབ་འཛིང་གི་ཉམས་འགྱུར། ལང་ཚོ་ཡི་གླུ་སྒྲ་རེད།

ཀྱེ་ཀྱེ། རྦབ་ཆུ་ཡི་ལང་ཚོ་ཡ། ལང་ཚོ་ཡི་རྦབ་ཆུ། ཁྱེད་ལ་འཇིགས་པ་མེད་པའི་སྙིང་སྟོབས་དང༌།
—ཞུམ་པ་མེད་པའི་སྤོབས་པ།—ཉམས་པ་མེད་པའི་ཟིལ་ཤུགས།—འཛད་མཐའ་མེད་པའི་སྟོབས་ཤུགས་འདི་ལྟ་བུ་ཞིག་ཇི་ལྟར་རྒྱས་པ་ཡིན།
རེད་ལགས། དཔྱིད་གསུམ་མཁའ་ནས་བབས་པའི་ཆར་ཆུ།
དབྱར་གསུམ་ས་ནས་བརྡོལ་བའི་ཆུ་མིག སྟོན་གསུམ་སད་དང་སེར་བའི་སྙིང་བཅུད།
དགུན་གསུམ་གངས་དང་ཁ་བའི་ཡང་བཅུད། གཞན་ཡང༌། གངས་ཆུ—རྫ་ཆུ—གཡའ་ཆུ—ནགས་ཆུ—ན་ཆུ—རི་ཆུ—ལུང་ཆུ—ཕུ་ཆུ—
མདའ་ཆུ— མདོར་ན། བཀྲ་ཤིས་པའི་ཆུ།—དགེ་ལེགས་འབྱུང་བའི་ཆུ།—དོན་འགྲུབ་པའི་ཆུ།—ཡན་ལག་བརྒྱད་ལྡན་གྱི་ཆུ།—ཕུན་སུམ་ཚོགས་པའི་ཆུ་སྟེ།

ཆུ་ཕྲན་མི་གཅིག་བརྒྱ་དང་བརྒྱད།
ཆུ་སྣ་མི་གཅིག་ཁྲི་མ་འབུམ། ཁྱེད་ནི་མཐུན་སྒྲིལ་གྱི་ཆུ་ཞིག་ཡིན་པས། གཡང་གཟར་གྱི་བྲག་ལས་འབབ་པར་ཕོད།
ཁྱེད་ནི་ཡོངས་འདུས་ཀྱི་ཆུ་ཞིག་ཡིན་པས། ངམ་གྲོག་གི་གཡང་ལས་མཆོང་བར་སྤོབས།
ཁྱེད་ལ་གསར་བྱུང་གི་ཆུ་སྣ་བསྡུ་བའི་སྤོབས་པ་དང་ལྡན་པས། ཁྱེད་ཀྱི་བློ་རྒྱ་ཆེ་ཞིང་ལུས་སྟོབས་དར་ལ་ཟིལ་ཤུགས་ཆེ།
ཁྱེད་ནི་ཁེངས་པ་སྤངས་ཤིང་དྲེགས་པའི་དྲི་མ་མེད་པས། ཁྱེད་ཀྱི་བཞུར་རྒྱུན་རིང་ལ་འབབ་རྒྱུན་དྲག
ཁྱེད་ལ་སྙིགས་མ་འདོར་ཞིང་སྙིང་བཅུད་གཞིབ་པའི་ནུས་པ་དང་ལྡན་པས ཁྱེད་ཀྱི་ལུས་སེམས་གཙང་ལ་ལང་ཚོའི་དཔལ་ཡོན་རྒྱས། རྦབ་ཆུ་ཡ།
ཁྱེད་ནི་ལོ་རྒྱུས་ཀྱི་དཔང་བོ་དང༌། མ་འོངས་པའི་ལམ་འདྲེན་རེད། ཁྱེད་ཀྱི་དྲི་མ་བྲལ་བའི་ཆུ་ཐིགས་རེ་རེའི་ནང་དུ། གངས་ཅན་བོད་ཀྱི་འཕེལ་འགྲིབ་འཁོད་ཡོད་ལ།

ཁྱེད་ཀྱི་གཟེགས་མ་འབར་བའི་རྡུལ་ཕྲན་རེ་རེའི་ནང་དུ། བསིལ་ལྡན་ཁ་བའི་ལྗོངས་ཀྱི་དར་རྒུད་འདུས་ཡོད།
ཁྱེད་མེད་ན། སྒྲ་རིག་པའི་རལ་གྲི་ལ་ངར་ཇི་ལྟར་ལྡུད།
ཁྱེད་མེད་ན། བཟོ་རིག་པའི་ཆུ་གྲི་ལ་རྣོ་ཇི་ལྟར་འཇོག ཁྱེད་མེད་ན། གསོ་བ་རིག་པའི་ལྗོན་པ་རྒྱས་མི་ཐུབ་ལ། ཚད་མའི་མེ་ཏོག་དང་ནང་རིག་འབྲས་བུའང་སྨིན་མི་སྲིད།

གཅིག་བྱས་ན—ཁྱེད་ཀྱི་ཆུ་ཤེལ་དང་འདྲ་བའི་སེམས་ལའང༌། ལོ་རྒྱུས་ཀྱི་རྨ་ཁ་དང༌། དམག་འཁྲུག་གི་ནད་རྙིང༌། རྨོངས་དད་ཀྱི་ཆུ་བུར།
རྙིང་ཞེན་གྱི་རྡུལ་ཕྲན་སོགས་མཆིས་ཀྱང་སྲིད་མོད། ཡིན་ན་ཡང༌། ཁྱེད་ལ་ལང་ཚོའི་རྔམ་བརྗིད་དང་སྐྱེས་སྟོབས་ཀྱི་དཔལ་དང་ལྡན་པས།
དགུན་གསུམ་གྱི་ཙག་གིས་ཁྱེད་ཀྱི་སེམས།—འཁྱག་རོམ་གྱི་སྒྲོམ་དུ་འཇུག་པའི་གོ་སྐབས་ནི་ནམ་ཡང་མ་མཆིས་ལ། རླུང་འཚུབ་ཀྱི་སྤུ་གྲིས་ཁྱེད་ཀྱི་བཞུར་
རྒྱུན།—ལན་བརྒྱར་གཏུབས་ཀྱང་ཆོད་པའི་ངེས་པ་ནི་དེ་བས་ཀྱང་ག་ལ་“ཡོད། རྒྱུ་མཚན་ནི—ཁྱེད་ཀྱི་ཆུ་མགོ་གངས་དང་འབྲེལ་ཞིང༌།
ཁྱེད་ཀྱི་ཆུ་རྔ་རྒྱ་མཚོར་འདྲེས་ཡོད་པའི་ཕྱིར། ཁྱེད་ཀྱི་ལོ་རྒྱུས་ཀྱི་བཞུར་རྒྱུན་རིང་མོས། ང་ཚོ་ལ་གཟི་བརྗིད་དང་ལ་རྒྱ་གནང་བ་དང༌།
ཁྱེད་ཀྱི་དུས་རབས་ཀྱི་བཞུར་སྒྲ་སྙན་མོས། ང་ཚོ་ལ་སྐུལ་མ་དང་སྟོབས་ཤུགས་བསྩལ་བྱུང༌། གསན་བྱུང་ངམ—རྦབ་ཆུ་ལགས།
བོད་གངས་ཅན་གྱི་གཞོན་ནུ་རྣམས་ཀྱི་དྲི་བ་འདི་དག་ ཁྱེད་ཀྱིས་གསན་པ་ཨེ་བྱུང༌།

1 སྙན་ངག་གི་རྟ་མཆོག་སྐོམ་པས་གདུང་ན་ཇི་ལྟར་བྱ། 2 སྡེབ་སྦྱོར་གྱི་གླང་ཆེན་ཚ་བས་གཙེས་ན་ཇི་ལྟར་བྱ།
3 མངོན་བརྗོད་ཀྱི་སེང་གེ་དྲེགས་པས་གཟིར་ན་ཇི་ལྟར་བྱ། 4 ཟློས་གར་གྱི་བུ་ཆུང་དྭ་ཕྲུག་ཏུ་ལུས་ན་ཇི་ལྟར་བྱ།
5 སྐར་རྩིས་ཀྱི་ཕ་ཤུལ་སྟོང་བར་ལུས་ན་སུ་ཡིས་འཛིན། 6 ཚན་རིག་གི་གཞོན་ནུ་མག་པར་ལེན་ན་བསུ་བ་ཇི་ལྟར་བགྱིད།
7 ལག་རྩལ་གྱི་བུ་མོ་བག་མར་བསུ་ན་ཁྱོ་བོ་སུ་ཡིས་བྱ།

ལགས་སོ—རྦབ་ཆུ་ལགས། ཁྱེད་ཀྱི་དྭངས་ཤིང་གསལ་ལ་སྙན་ཞིང་འཇེབས་པའི་གླུ་སྒྲ་ལས་བྱུང་བའི་ལན་དེ་དག—ང་ཚོའི་སེམས་སུ་རྡོ་ལ་རི་མོ་བརྐོས་པ་ལྟར་བཟུང་ཡོད།
ངོ་མ། མཚར་སྡུག་འོད་སྟོང་འབར་བའི་སྔོན་ཆད་ཀྱིས་ད་ལྟའི་ཚབ་བྱེད་མི་རུང་ལ། བ་ཚྭའི་དྲི་དང་འགྲོགས་པའི་ཁ་སང་གིས་དེ་རིང་གི་སྐོམ་པ་ག་ལ་སོད།
རྙེད་པར་དཀའ་བའི་ལོ་རྒྱུས་ཀྱི་བེམ་པོའི་ལུས་པོ་ལ།དུས་དང་མཐུན་པའི་སྲོག་གི་དབང་བོ་མ་ཞུགས་ན། ཡར་རྒྱས་ཀྱི་འཕར་རྩ་ལྡིང་མི་སྲིད་ལ།
སྔོན་ཐོན་གྱི་སྙིང་ཁྲག་རྒྱུ་མི་ཐུབ་ཅིང༌། མདུན་བསྐྱོད་ཀྱི་གོམ་པ་ནི་དེ་བས་ཀྱང་ངོ༌།ཟ ཀྭ་ཡེ།
རྦབ་ཆུ་ལགས།འ༴ ཁྱེད་ཀྱི་ཆིལ་ཆིལ་གཡོ་བའི་རླབས་ཕྲེང་དང༌།

ལང་ལོང་འཐོར་བའི་གཟེགས་མ་ལས—ང་ཚ་སྟེ།—བོད་གངས་ཅན་གི་མི་རབས་གསར་བའི་སྟོབས་ཤུགས་མཚོན་པ་དང༌། ཁྱོད་ཀྱི་ཤང་ཤང་འབབ་པའི་ཆུ་རྒྱུན་དང༌།
འུར་འུར་བཞུར་བའི་ཆུ་སྒྲ་ལས—ང་ཚོ་སྟེ། —བོད་གངས་ཅན་གྱི་མི་རབས་གསར་བའི་ཕུགས་བསམ་མངོན་འདུག རྙེང་ཞེན། བག་འཁུམ། རྨོངས་དད། ལེ་ལོ…

ང་ཚོའི་མི་རབས་འདིར་འཇུག་ཡུལ་གཏན་ནས་མེད། རྗེས་ལུས། ཀླ་ཀློ། མུག་ནག ལོག་སྤྱོད… … ང་ཚོའི་དུས་རབས་འདིར་གནས་ས་ཡེ་ནས་མེད།
རྦབ་ཆུ་ཡ་རྦབ་ཆུ། ང་ཚོའི་སེམས་ནི་ཁྱེད་ཀྱི་འགྲོས་དང་བསྟུན་ནས་གཡོ་བ་དང༌། ང་ཚོའི་ཁྲག་ཀྱང་ཁྱེད་ཀྱི་རྒྱུན་དང་འགྲོགས་ནས་བཞུར་གྱིན་ཡོད།
མ་འོངས་པའི་ལམ་ཁར— ཀྱག་ཀྱོག་སྔར་ལས་ཆེ་ན་ཡང༌། བོད་ཀྱི་གཞོན་ནུ་རྣམས་འཇིགས་པའི་གོ་སྐབས་བྲལ་ཞིང༌། ང་ཚོས་རང་རེའི་མི་རིགས་འདིར།
མདུན་བསྐྱོད་ཀྱི་ལམ་གསར་བ་ཞིག་འབྱེད་ངེས་ཡིན། ལྟོས་དང༌། གྲལ་འགྲིག་པའི་རུ་དཔུང་དེ་ནི། བོད་གངས་ཅན་གྱི་མི་རབས་གསར་བ་རེད།
ཉོན་དང་། འགྲོས་མཉམ་པའི་གླུ་སྒྲ་དེ་ནི། བོད་གངས་ཅན་གྱི་གཞོན་ནུའི་གོམ་སྒྲ་རེད། འོད་གསལ་གྱི་ལམ་ཆེན། གཟི་བརྗིད་ཀྱི་ལས་འགན།
བདེ་སྐྱིད་ཀྱི་འཚོ་བ། འཐབ་འཛིང་གི་གླུ་དབྱངས། རྦབ་ཆུའི་ལང་ཚོ་ལ་ཡལ་བ་མེད་ཅིང༌། ལང་ཚོའི་རྦབ་ཆུ་ནི་དེ་བས་ཀྱང་ཉམས་པ་མེད།

འདི་ནི—
བོད་གངས་ཅན་གྱི་གཞོན་རབས་རྣམས་ཀྱི་ངག་ལས་བྱུང་བའི་ལང་ཚོའི་རྦབ་ཆུ་རེད།
འདི་ནི—
བོད་གངས་ཅན་གྱི་གཞོན་ནུ་རྣམས་ཀྱི་སེམས་ན་འབབ་པའི་ལང་ཚོའི་རྦབ་ཆུ་རེད།

蔚蓝的天空 温暖的阳光 无垠的大地 鲜艳的花朵 巍峨的高山….
啊…..比这更令我兴奋的是 眼前陡峭的倾泻而下的瀑布
看
那白色的浪花多么纯洁
层层波光如孔雀的翎眼 鹦鹉的绿羽 锦缎的花纹 空中的彩虹….
听
那流动的旋律多么悦耳 青春的歌声如醉人的神曲
悠扬的梵音 妙音天女的欢唱 布谷鸟动听的鸣叫
噢…这哪里是一挂平常的瀑布
那英武的姿态 无畏的勇气 磅礴的气势
雄健的体魄 华丽的装饰 绝美的音律
这是 雪域青年青春的瀑布

这是 20世纪80年代图蕃特青年创新的精神 战斗的豪气 生命的赞歌
啊…青春的瀑布 你是怎样具备了如此英勇的胆魄
如此豪迈的气度 如此强大的威力 如此充沛的精力

是啊
春季自天而降的雨 夏季地下涌出的泉 秋天的霜露 冬日的冰雪
还有 雪山水 山涧水 森林水 沼泽水 川谷水…….
吉祥之水 如意之水 八功德水 圆/m/之水

水种不同一百零八类 溪流各异万千条
只因你是团结之水 才敢于使银瀑飞泻三千尺
只因你是统一之水 才敢于使滚滚洪流折而复聚
只因你具有容纳百川的度量 使你变得强壮而力大无穷
只因你具有谦逊厚道的美德 使你得以源远流长
只因你有弃糟取精的功能 使你内心纯洁青春焕然

瀑布啊 你是历史的见证者 未来的引路人
你纯洁的点点滴滴 蕴藏着雪域图蕃特的盛与哀
你升腾的粒粒水汽 包含着清凉圣地的成与败

假若没有你 声明的宝剑如何淬火
假若没有你 工明的水刀怎样磨利
假若没有你 医明之树谁来育活
因明之花怎能绽放 因明之果何以熟透
也许 你水晶般的心中 还遗留着历史的伤痕
战争的顽疾 迷信的水沫 守旧的尘埃

然而 由于你的青春魅力和勃勃生机
即便是隆冬的严寒 也不能封冻你的心灵
即便是疾风的利刀 也难以切断你的激流
因为
你的源头与雪山相连 你的末尾与大海汇合 你长长的历史的流程
赐予我们荣耀的尊严 你遐迩时代的声音 给我们以鞭策的力量


听到了吗 瀑布 听到图蕃特青年的提问了吗
诗学的骏马饥渴了怎么办 声律学的大象中暑了怎么办
辞藻学的狮子傲慢了怎么办 戏剧学的幼子成了孤儿怎么办
天文历算的职业无人继承怎么办 招科学的青年为婿该怎么迎亲
娶技术的少女为媳谁来当夫君

是啊 瀑布 你以甜美圆/m/的歌喉所作的回答 我们已经铭记在心
辉煌灿烂的过去不能代表现在 充满盐碱的昨天怎能解除今日之渴
那难觅的历史的尸体 如不及时注入生命 发展的脉搏将不会跳动
进步的血液将不能循环 前进的步伐更是无力迈开

啊…瀑布
你汹涌的波涛飞溅的浪花 表现出我们-----新一代雪域儿女的精神
你湍急的水流滚滚的声音 诉说着我们----新一代雪域儿女的理想
保守 畏缩 迷信 懒惰
在我们这代人中没有立足之地
落后 野蛮 黑暗 堕落
在我们这代人中没有容身之处
瀑布啊瀑布
我们的心和你一起舞动 我们的血与你一起沸腾
尽管 未来的途程更加坎坷 但是图蕃特青年从不惧怕
我们将会为这个民族开拓新的前进的道路

看
那整齐的队伍 正是图蕃特新生的一代
听
那和谐的歌声 正是图蕃特青年的脚步
光明的大道 历史的重任 幸福的生活 战斗的歌声
瀑布的青春永不凋零 青春的瀑布更不会消逝

这是 发自图蕃特青年肺腑的青春瀑布
这是 流自图蕃特青年内心的青春瀑布
上面是千思维歌单网提供歌曲青春瀑布的歌词全文和下载地址，青春瀑布原唱是谁，是谁唱的，是什么歌的等内容。

青春瀑布评论

青春瀑布免费下载地址

免费获取全部资源
永久免费
下载地址教程
地址/密码请 点击这里回复 后查看
――――――――新手教程――――――――
点击上面回复进入后→点击下方的微信免密一键登录→回复一下帖子然后刷新即可获取地址。

• 德吉老爷